Sunnukvøldið komu U17 landsliðini hjá gentum og dreingjum til Billund beineliðis við Atlantic Airways. Liðini skulu í døgunum 17. til 20. oktober vera við í altjóða kapping í Ikast, sum er millum Finnland, Svøríki, Noreg, Danmark, Ísland, Ongland og Føroyar.

Føroysku U17 genturnar spæla fyrsta dystin mánakvøldið kl. 19:00 føroyska tíð ímóti Onglandi, meðan U17 dreingirnir somu tíð spæla ímóti Noregi. 

Báðir dystirnir verða stroymaðir – hvar hetta kann síggjast, verður upplýst mánadagin á facbook-síðuni hjá Flogbóltssambandinum. 

Venjarar hjá U17 kvinnunum eru Magnus Tausen og Hans Simonsen, meðan Kristian Mikkelsen og Jan Hentze eru venjarar hjá U17 monnunum.

 
U17 genturnar:
Dráttur: Petra Sunadóttrir Hansen 

Fleyr: Anna Gøthe Magnusdóttir, Bjørk Nolsøe Isaksen, Hilda Boldstad Mortensen 

SÍ: Tórunn Kruse, Inga Helena Henriksen, Mona S. Poulsen, Sissal Ellefdóttir 

Mjølnir: Joan Marstein 

ÍF: Frígerð H. Hansen

TB: Sára Maria Johansen

KÍF: Elsa Samuelsen 

U17 dreingirnir:
SÍ: Julian Niclasen, Oskar í Haraldstovu Weihe, Oddur í Haraldstovu Petersen, Jón Weihe Simonsen, Ragnar Weihe og Hjørtur Joensen.

Fleyr: Jónfinnur Hansen, Dávið Hentze og Gilli Samuelsen.

TB: Niklas Djurhuus og Bárður Dimon.

ÍF: Ingálvur Olsen