Umbygda og nýggja Høllin á Hálsi gevur flogbóltinum nýggjar og góðar møguleikar at hava stórar kappingar - og júst hetta verður roynt í dag, leygardagin.

Stóra satsið hjá Flogbóltssambandinum - Flogbørn - fer í dag at hava sína størstu kapping, sum øll verður gjøgnumførd í einari høll.

Um 80 lið í aldrinum undir 12 ár fara í tíðarskeiðnum frá kl. 12.30 og 5,5 tímar fram at spæla flogbólt á 10 vøllum í Stórhøllini á Hálsi, og íalt 141 dystir verða leiktir.

Feløgini, sum eru við eru hesi:
Ternan, Toftir
KÍF, Kollafjørður
Dráttur, Miðvágur/Sandavágur
Fleyr, Tórshavn
B71, Sandoy
SÍ, Sørvágur
TB, Tvøroyri
Mjølnir, Klakvík
ÍF, Fuglafjørður

Høvuðsfyrireikarar í kappingini eru Anne Frederiksen og Peter Morell.

Kappingin verður liðug umleið klokkan 17.45.