Steypakappingin menn: Mjølnir tapti fyri SÍ b

Mynd: SÍ leikarar, sum hava myndað flogbóltin í Føroyum

Ein dystur í bólki 1 í steypakappingini hjá monnum varð í gjárskvøldið leiktur í Badmintonhøllini í Klaksvik.

Mjølnir, sum er greitt oddalið í landskappingini, tapti ímóti SÍ b, sum hevur mannað seg við royndum spælararum, sum hava myndað landskappingina undanfarnu nógvu árini.

Hetta gjørdist ein spennandi dystur við jøvnum settum, sum endaðu 18-25, 28-26, 21-25 of 27-29.

Úrslitið viðførur stóran spenning í bólki 1, tí nú er støðan tann, at SÍ b er á odda við 6 stigum, meðan Mjølnir og Fleyr a hava 3 stig:

  Dystir Sett  
Lið leiktir 3-0/3-1 3-2 0-3/1-3 2-3 vunnin tapt munur Stig
SÍ b 2 2 0 0 0 6 2 4 6
Fleyr A 2 1 0 1 0 4 3 1 3
Mjølnir 2 1 0 1 0 4 4 0 3
TB 2 0 0 2 0 1 6 -5 0
 
 

Mjølnir skal fríggjakvøldið spæla ímóti TB í Badmintonhøllini, sum ikki spælir meistaradeildin. Vinnur Mjølnir 3-0 ella 3-1, hevur liðið tryggjað sær pláss í hálvfinalunum, men tapa teir tvey sett ella dystin, so verður lagnan hjá teimum avgjørd í dystinum hóskvøldið kl. 21.00 í Gundadalshøllini, tá Fleyr a tekur ímóti SÍ b. (Dysturin hóskvøldið verður varpaður beinleiðis á Rás2 - Rás2 hoyrist umvegis internetið á www.midlar.fo, ella gjøgnum útvarpslurtið á frekvensunum FM 88,7;   FM 95,9  ella FM 98,7).

Vinnur SÍ b tvey sett í hesum dystinum, eru teir í hálvfinalunum, men vinnur Fleyr 3-0 ella 3-1, hevur Fleyr tryggjað sær plássið.

So samanumtikið - alt kann henda!

Reglurnar siga, at stendur á jøvnum í stigum og settmuni, er innanhýsis dystur avgerandi.