Mynd: ÍF liðið, sum í gjár vann 3-0 Fleyr

Tveir dystir vóru sunnudagin leiktir í meistaradeildini hjá monnum, eftir at landskappingin hevur ligðið still síðani byrjanini av desember, orsakað av, at bólkakappingin í steypakappingini hevur verið avgreidd.

Í Gundadalshøllini í Havn hevði Fleyr vitjan av ÍF, og roknað varð við einum spennandi dysti, men skjótt gjørdist greitt, at ÍF-liðið var sera væl fyri, meðan Fleyr ikki megnaði at svara aftur.

ÍF vann dystin 3-0, og kom sostatt framum Fleyr, sum lá á øðrum plássi undan dystinum. Settini endaðu 18-25, 19-25 og 18-25.

Suni Juul Petersen frá Fleyr viðmerkti eftir dystin, "at hetta var vánaligasti dysturin hjá Fleyr í hesum kappingarárinum", meðan Bartal Eliasen frá ÍF harafturímóti vísti á, at "ÍF hevur høgt støði, tá vit spæla okkara spæl."

Mjølnir enn fremst
Í gjár tók Mjølnir eisini ímóti SÍ. Mjølni vísti enn einaferð, hví teir eru á odda í landskappingini. Mjølnir vann dystin 3-0 við settúrslitunum 25-13, 25-19 og 25-15.

Støðan í landskappingini er henda eftir dystirnar um vikuskiftið: