U18 EM: Súsanna Ludvig besti blokk-leikari Føroyska Súsanna Ludvig var í gjárkvøldið vald til besta blokkleikara í EM undankappingini fyri U-18 landsliðið, sum hevur verið í Havn seinastu dagarnar. Tað vóru venjararnir hjá Luksemborg, Liktinstein, Írlandi og Føroyum, sum undir endahátíðini á Hotel Føroyum í gjárkvøldið samdust um hetta. Eitt sera flott avrik av Súsannu (Fleyr), sum eisini hevur aldur at verða við í kappingini um 2 ár. Flogbóltssamband Føroya ynskir henni hjartaliga tillukku við heiðrinum. Á myndini fær hon handaða heiðursgávu frá Magnusi Tausen, formanni í Flogbóltssambandi Føroya.   [ tíðindasavnið   ] [ til forsíðuna ]