Føroyar hóttu Danmark

Føroyar Danmark 0-3 (26-28, 18-25, 12-25)

Eisini í seinna dystinum, sum varð spældur á Giljanesi, gav føroyska landsliðið tí danska dygga mótstøðu.

Tað var um reppið at Føroyar vunnu fyrsta settið, men danir yvirlivdu tríggjar settbóltar og vunnu at enda settið 28-26.

Í øðrum setti gingu tær føroysku aftur teimum donsku ein skarpan gang og løgdu seg á odda 7-1 og 8-2. Men so kom kinkur í hjá Føroyum, og brátt hevði Danmark javnað til støðuna 12-12 og fór síðani framum og vann settið 25-18.

Í triðja settinum var lítið veiggj eftir í føroyska liðunum, og Danmark vann 25-12 uttan hóvasták.

--------------------------------------

Lesið dystarfrásøgnina á heimasíðuni hjá
danska flogbóltssambandinum her