Best av trimum
Kappingarárið 2009/10 er skipanin broytt, so at nr. 1 og nr. 2 eftir øll umførini í landskappingini spæla FM - finalu. Hesar finalurnar eru skipaðar sum "best av trimum". Tað merkir, at annað liðið skal vinna tveir dystir, fyri at vera føroyameistari. Settmunur verður ikki tikin við í hesi uppgerð, so vinna liðini hvør sín dyst, verður neyðugt við einum triðja og avgerandi dysti, líka mikið hvør settmunurin er í teimum báðum fyrru finalunum.

Verður talan um ein triðja og avgerandi dyst, verður hann leiktur á heimavøllinum hjá tí liðnum, sum var nr. 1 í sjálvari landskappingini. Tann dysturin verður leiktur leygardag 27. mars.