Sí myndir av vinnarunum í Picasa-myndasavninum her. Eisini eru nakrar myndir frá "kidsvolley" kappingini.

FK kapping '09	Gentur			Dreingir
Aldursbólkur	Nr. 1	Nr. 2	Nr. 3	Nr. 1	Nr. 2	Nr. 3
Kidsvolley	Allar vóru vinnarar			Allir vóru vinnarar
10 ár	TB	KÍF	SÍ	Fleyr	TB	Dráttur
12 ár	Fleyr	B68	KÍF	SÍ	Fleyr	Nøvan
14 ár	TB	B68	KÍF	B68	Dráttur	Fleyr
16 ár	TB a	Fleyr	KÍF	TB	Fleyr
Unglingar	Fleyr	SÍ	KÍF	TB	ÍF	Fleyr

Um Kidsvolley

Um vikuskifti skipaði Fleyr fyri kapping fyri yngri deildir í Havn, og var møguligt m.a. at luttaka í kidsvolley á level 0-2. Hetta tóku feløgini runt landið sera væl ímóti, og av teimum sum høvdu meldað til kappingina, luttóku 27 lið. Á hesum liðum luttóku umleið 180 børn í kidsvolley. 

Hvat er kidsvolley?
Kidsvolley er flogboltsspæl, sum serliga er ment til gentur og dreingir í aldrinum seks til tólv ár.

Hugsunarhátturin við kidsvolley er, at hetta er eitt spæl við “ferð á”. Kidsvolley kann spælast í øllum feløgum, skúlum, frítíðarskúlum osv. - Tað krevst bert bóltur og net.

Tað serliga við kidsvolley er, at spælið mennist frá reinari rørslu,
• til kasti -og lofti rørslur,
• til flogboltskast og – slag, og
• til endaligt flogbóltspæl.

Hendan menning spennir yvir sonevd “levels” frá 0-5. So hvørt sum leikarin meistrar meiri, flytir leikarin upp í “level”.

Kidsvolley hevur verið spælt í fleiri ár í Danmark, haðani tað stavar, og hevur tað fingið góða undurtøku har. Í fleiri ár hevur ætlanin eisini verið, at vit skuldu royna hetta í okkara kappingum. Og nú onnur kappingin er av, sýnist sum um kidsvolley er komið fyri at vera.

Feløguni hava avgjørt, at ongi heiðursmerki verða latin leikarunum. Her eru øll vinnarar.