------------------------------------------------------------------

Lógir og reglur

grein 1
a) Flogbóltssamband Føroya (FBF) er samgonga av øllum feløgum innan ÍSF, ið íðka flogbólt

b) FBF hevur hægsta myndugleika í øllum flogbóltsviðurskiftum

d) FBF hevur við starvsnevndarformanni sínum sæti í stjórn ÍSF’s

grein 2
a) FBF hevur til endamáls at menna og at skapa áhuga fyri flogbólti og at vera stuðul hjá feløgum í samarbeiði sínamillum.

b) FBF hevur til endamáls at umboða flogbólt á alheims stigi og í alheims og millumlanda flogbóltssamgongum, so sum FIVB, CEV, Norðurlandasamstarvi o.s.fr.

grein 3
a) Ítróttafelag, ið er limur í ÍSF og iðkar flogbólt, skal gerast limur í FBF

b) Umsókn um limaskap í FBF verður at senda til FBF

d) FBF avger, um felag kann gerast limur í FBF

ð) Útmeldan av felag verður at senda til FBF

grein 4
a) Aðalfundurin verður hildin í triðja leygardag í apríl mánað

b) Aðalfundurin skal verða fráboðaður skrivliga til feløgini, starvsnevnd, dómsnevnd og grannskoðara FBF’s og verða lýstur í bløðunum ein mánað undan aðalfundinum.

d) Aðalfundarskrá:

1. Val av orðstýrara

2. Starvsnevndarformaðurin greiðir frá virki FBF’s í farna ári

3. Framløga av grannskoðaðum roknskapi

4. Innkomin mál

5. Val av nevndum, tiltakslimum og grannskoðara

6. Ymiskt

grein 5
a) Møta á aðalfundi kann felag, sum hevur verið limur í FBF í minsta lagi ein mánað og hevur limagjalds- og onnur limaviðurskifti síni í lagi.

b) Møta á aðalfundi kann starvsnevndin, dómsnevndin, grannskoðari ÍSF’s og aðrar nevndir skipaðar undir FBF

d) Feløg, sum lúka tær treytir, ið nevndar eru í grein 5, kunnu senda í mesta lagi trý umboð at møta á aðalfundi.

grein 6
a) Atkvøðurætt á aðalfundinum við einari atkvøðu í part hava: Feløgini og hvør starvsnevndarlimur í FBF.

b) Dómsnevndin og grannskoðarin í ÍSF hava taluræt og rætt at seta fram uppskot á aðalfundinum, tó í samsvar við tær treytir, sum eru nevndar í grein 7

grein 7
a) Á aðalfundinum kunnu lógaruppskot ikki verða viðgjørd ella lógarbroytingar gjørdar uttan so, at tað er tilskilað í fundarskránni

b) Uppskot til lógarbroytingar, uppskot til nevndarlimir, sum feløgini og starvsnevndin ætla at skjóta upp á aðalfundinum sambært grein 8.1 og uppskotið hjá feløgunum til evni til álitisstarv sambært grein 8.4 og 8.5, skulu verða starvsnevndini í hendi í seinasta lagi 14 dagar fyri aðalfundin.

Undir øllum øðrum umstøðum skal starvsnevndin senda feløgunum, innan niðanfyri nevndu freist, lista yvir uppskot til nevndarlimir, soleiðis, at nevndir kunnu fullmannast.

Uppskotini verða so send feløgunum í seinasta lagi 8 dagar fyri aðalfundin

b) Uppskot um lóg og lógarbroytingar skulu vera starvsnevndinin í hendi í seinasta lagi fjúrtan dagar fyri aðalfundin. Uppskotini verða so send feløgunum í seinasta lagi átta dagar fyri aðalfundin.

d) Fyri at uppskot skal vinna sømdir á aðalfundi, skal meira enn helmingurin av teimum møttu, sum hava atkvøðurætt, atkvøða fyri.

ð) Stendur á jøvnum, er atkvøða starvsnevndarformansins avgerandi

e) Eykaaðalfundur kann vera hildin, um nevndin ynskir tað, ella um helvtin av feløgunum ynskja tað. Hann skal vera lýstur við dagsskrá og í samsvari við aðalfundarreglugerðirnar.

grein 8
a) Hægsti myndugleiki sambandsins er aðalfundurin. Dagligu leiðsluna av FBF hevur starvsnevndin.

b) Í starvsnevndini sita formaður, næstformaður og ein nevndarlimur. Teir verða valdir einsæris á aðalfundinum fyri eitt tveyára skeið. Formaðurin verður valdur líkaár og hinir nevndarlimirnir ólíkaár. Valdir verða tveir tiltakslimir.

d) Starvsnevndin hevur í dagliga virkinum hægsta valdið í FBF og hevur m.a. øll fíggjalig viðurskifti um hendi. Til keyp og sølu av fastari ogn krevst tó aðalfundarsamtykt.

ð) Starvsnevndin kann seta kassameistara

e) Starsnevndin hevur heimild at seta undirnevndir at taka sær av ávísum starvsøki, um neyðugt við limum uttan fyri FBF og ÍSF. Hvørt limafelag skal yvir fyri starvsnevndini útnevna ein av sínum limum, sum skal kunna átaka sær eitthvørt álitisstarv innan FBF.

Í seinasta lagi ein mánað eftir aðalfundin, skal starvsnevndin hava fullmannað undirnevndirnar.

Reglugerð um virksemi hjá undirnevndum skal gerast av starvsnevndini.

f) Undirnevndirnar, sum verða útnevndar av starvsnevndini, skipa seg við einum starvsnevndarlimi sum formanni.

g) Undirnevndirnar hava fulla ábyrgd av sínum egna starvsøki

h) Undirnevndirnar taka avgerð í trætumálum innanfyri sítt egna øki.

Starvsnevndin avger, hvør undirnevnd skal loysa eina trætu, um ósemja er um hetta. Starvsnevndin kann taka málið til viðgerðar eftir áheitan ella av sínum eintingum, sum undirnevndir ikki kunnu loysa. Starvsnevndin hevur heimild at broyta avgerðir, ið tiknar eru av undirnevnd.

Nevndarlimir fáa onga løn fyri størv síni

j) Aðalfundurin tekur avgerð um handan av heiðursmerkjum og virðislønum

k) Starvsnevndin skal einaferð um árið senda ÍSF frágreiðing um virki sambandsins.

l) FBF skal kunna onnur sersambond(deildir undir ÍSF og ÍSF um altjóða stevnur, sum skulu vera í Føroyum.

m) FBF er uttanveltað í politiskum, sosialum og trúarspurningum.

grein 10
a) Fíggjarliga grundarlagið í FBF er inntøka av steypa- og landsdystum o.t., luttøkugjaldið og partur tillutaður frá ÍSF av landskassastudningi o.s.fr.

grein 11
a) Luttaka í lands- og steypakappingum og somuleiðis á landsliði kunnu tey, ið lúka tær reglur, sum til eina og hvørja tíð eru galdandi hjá ÍSF og FIVB

grein 12
a) Uppskot um avtøku av FBF kann verða lagt fram á aðalfundi, og skal tá, fyri at vinna sømdir, samtykkjast við í minsta lagi 3/4 av teimum, ið møtt eru og skulu í minsta lagi 3/4 av limunum vera hjástaddir.

b) Møguligar ognir falla til flogbóltin í landinum ella verða á annan hátt nýttar ítróttinum at gagni.

grein 1
a) Leikt verður í landskappingini eftir teimum leikreglum hjá I.V.B.F., sum eina og hvørja tíð eru galdandi fyri flogbólt.

b) Kappingarreglur fyri yngru deildir.

grein 2
a) Kappingarárið er frá 1. juli til 30. juni.

b) Fyri hvørt lið gjalda feløgini FBF luttøkugjald, sum verður ásett av starvsnevndini.

d) Luttøkugjaldið skal verða FBF í hendi 14 dagar, áðrenn kappingin byrjar.

e) Felag sleppur ikki at luttaka í kappingum FBFs, fyrr enn luttøkupeningurin er goldin.

grein 3
a) Eingin landskappingardystur skal verða leiktur undir almennari gudstænastu og skal helst ikki byrja fyrr enn 1 tíma aftaná, at gudstænastan er lokin.

grein 4
Landskappingin í flogbólti verður skipað soleiðis eftir aldri og dugnaskapi.

a) Vaksnamannadeildin
1) Meistaradeild kvinnur og menn við 6 liðum hvør. Leikt verður dupultumfar, t.v.s. tveir heimadystir og tveir útidystir móti hvørjum liði. Eftir fyrsta umfarið verða tey stig, ið liðini hava fingið býtt í helvt.

1. deild kvinnur og 1. deild menn við hvør 8 liðum.

2. deild kvinnur og 2. deild menn við óavmarkaðum tali av liðum.

2) Í meistaradeildini kann sama felag bara hava eitt lið.

b) Yngri deildir
Kvinnuunglingar og mansunglingar, sum ikki skulu vera fylt 19 ár 1. januar í kappingarárinum.

Gentur/dreingir 16, sum ikki skulu vera fylt 17 ár 1. januar í kappingarárinum. Tó kunnu allar/allir gentir/dreingir í 10. flokki luttaka.

Gentur/dreingir 14, sum ikki skulu vera fylt 15 ár 1. januar í kappingarárinum. Tó kunnu allar/allir gentir/dreingir í 8. flokki luttaka.

Gentur/dreingir 12, sum ikki skulu vera fylt 13 ár 1. januar í kappingarárinum. Tó kunnu allar/allir gentir/dreingir í 6. flokki luttaka.

Gentur/dreingir 10, sum ikki skulu vera fylt 11 ár 1. januar í kappingarárinum. Tó kunnu allar/allir gentur/dreingir í 4. flokki luttaka.

d) Meistaraheitini verða nevnd soleiðis:

Vinnari í Meistaradeildini Føroyameistari

Vinnari í 1. deild Vinnari í 1. deild

Vinnari í 2. deild Vinnari í 2. deild

Vinnari í Unglingadeildini Føroyameistari

Vinnari í gentur/dreingir 16 Føroyameistari

Vinnari í gentur/dreingir 14 Føroyameistari

Vinnari í gentur/dreingir 12 Føroyameistari

Vinnari í gentur/dreingir 10 Føroyameistari

grein 5
a) Tá feløgini hava sagt frá luttøku, ger kappingarnevnd FBF's av, um kappingin verður einkult ella dupult, og hvussu liðini í 2. deild verða skipað sundur í bólkar.

b) Heimaliðið tekur við øllum útreiðslum og inntøkum viðvíkjandi umfarsdystum.

d) Dómarafelagið skal gjalda útreiðslurnar hjá dómaranum.

e) Um 2. deild er býtt í bólkar, fer í minsta lagi nr. 1 og nr. 2 í hvørjum bólki víðari til eitt finaluumfar eftir fyriskipan FBF's.

grein 6
a) Reglur fyri upp- og niðurflyting

Niðurflyting: Niðurflyting: Leikarar, ið ikki hava leikt inni á besta liðnum, kunnu til eina og hvørja tíð flyta til lægri deild. Bert leikarar, sum ikki eru fyltir 22 áðrenn 1. januar í kappingarárinum, kunnu flyta til lægri deild hóast teir hava leikt inni. Hægra liðið verður altíð rokna at leika fyrst. Tað, at leikari ikki hevur leikt dyst á hægri liðið, skal greitt framganga undir viðmerkingum til dómaraseðilin hjá hægra liðnum.

Uppflyting: Spælari kann leika á hægri liði næsta leikumfar.

b) Eitt leikumfar gongur frá og við mánadegi og til og við sunnudag.

d) Eitt lið kan leika fleiri dystir sama leikumfar.

e) Luttekur felag við meira enn einum liði í somu deild, skulu liðini nevnast í bókstavarað ella talrað soleiðis, at A ella 1 verður at rokna sum tað besta liðið, B ella 2 sum tað næstbesta o.s.fr.

f) Bert kappingarstjóri FBFs kann geva loyvi til at flyta ein dyst.

g) Fluttir dystir verða roknaðir sum leiktir tann upprunaliga ásetta dagin, eisini í sambandi við upp- og niðurflyting av spælarum.

h) Niðurflyting frá hægri til lægri lið er ikki loyvd leikara tann seinasta triðingin av kappingini.

grein 7
a) Nýtir felag í landskappingini leikara, sum kappingarstjórin ikki hevur fingið boð um (navn, aldur og bústað) í minsta lagi dagin fyri dystin, tapir felagið dystin.

grein 8
a) Luttakandi leikari skal í minsta lagi hava verið limur ein mánað í tí felag, sum hann luttekur fyri.

b) Luttakandi lið hava í mesta lagi loyvi at hava tveir útlendingar á liðnum. Á føroyskum landsliðum kunnu bert føroyingar luttaka. Sum føroyingur verður eisini roknaður útlendingur, ið hevur verið fast búsitandi í Føroyum í minsta lagi 2 ár, og hevur sítt virki her og føroyskan ríkisborgararætt.

d) Felag kann nokta leikara at flyta til annað felag, um so er, at felagið metir, at peningalig ella onnur felagslig áhugamál binda viðkomandi leikara.

grein 9
a) Um leikari – útlendingur ella føroyingur – sigur seg úr felag, ið hann hevur leikt landskappingardyst fyri við byrjan kappingarársins, og gerst limur í øðrum felag, sum eisini tekur lut í landskappingini, hevur hann loyvi at leika fyri hetta felag aftan á leikbann í 1 mánað, tó ikki seinasta triðingin av kappingini, galdandi fyri bæði feløgini. Tað er bert loyvt at skifta eina ferð mitt í kappingarárinum.

b) Leikari, ið skiftir felag mitt í kapingarárinum, skal boða kappingarnevndini frá flytingini 30 dagar áðrenn fyrsta landskappingardyst, hann ætlar at leika fyri nýggja felagið.

d) Leikarar, ið spæla í kapping uttanlands, hava loyvi at leika fyri føroyskt felag eftir leikbann í ein mánað eftir seinasta landskappingar/steypadyst uttanlands.

grein 10
a) Dómaraseðilin skal handast dómaranum, áðrenn leikur byrjar. Á dómaraseðlinum skulu standa allir leikarar og útskiftingarleikarar, tó í mesta lagi 12 leikarar tilsamans, og somuleiðis útskiftingarleiðarin. Allir leikararnir verða roknaðir fyri at hava spælt dystin. Samber tó við grein 6a.

b) Áðrenn leikbyrjan skulu liðleiðari og útskiftingarleiðari undirskriva dómaraseðilin.

d) Eftir leikbyrjan er ikki loyvt at seta leikara á dómaraseðilin.

e) Eru klagur, skulu tær verða tilskilaðar á dómaraseðlinum.

grein 11
a) Vunnin dystur gevur 2 stig. Tapandi liðið fær 0 stig.

b) Møtir lið ikki til dyst, fær tað null stig.

d) Somuleiðis verður givið null stig til tey lið, sum sínamillum avtala at útseta dyst, uttan at hava fingið loyvi til tess frá kappingarstjóranum. Fyri meistaradeildirnar er galdandi: Fyrstu ferð hetta kemur fyri, fær liðið bót og 0 stig, aðru ferð fer liðið úr kapping. Bótin er 2 ferðir luttøkugjaldið.

e) Tá ið dystur verður fluttur í samráð við kappingarstjóran, skal nýggjur dystur verða ásettur í mesta lagi eina viku frá ásetta leikdegnum. Starvsnevndin í FBF kann gera undantøk frá hesi reglu.

f) Tað liðið, sum við lokna kapping hevur flest stig, er vinnari av deildini.

g) Um javnt er í stigum, er hægstljóðandi settmunur avgerandi. Stendur eisini her á jøvnum, eru innanhýsis dystir bæði í innleiðandi umfarinum og í deildini avgerandi – íroknað bóltmun. Stendur enn á jøvnum, verður umdystur leiktur. Kappingarstjóri FBFs ástur tíð og stað fyri hendan dyst.

h) Nr. 6 í meistaradeildini leikar ímóti nr. 1 í 1. deild. Leikt verður best av trimum dystum. Liðini hava hvør sín heimadyst. Er neyðugt við avgerandi 3. dysti, verður hann leiktur á øðrum leikvølli.

Nr. 8 í 1. deild flytir í 2. deild komandi kappingarár.

Nr. 1 í 2. deild flytir upp í 1. deild næsta kappingarár.

FBF ásetir leikdagarnar fyri dystirnar.

i) Um so er, at nr. 1 og/ella nr. 2 ikki hava rætt at flyta upp, skal skipast fyri kvalifikatiónsdystum millum fylgjandi lið og niðurflytarar (bert niður til nr. 4).

grein 12
a) Í minsta lagi 14 dagar áðrenn kappingin byrjar, skulu øll luttakandi feløg til FBF geva upp navn, føðingardagar og -ár á øllum leikarum.

b) Er føðingardagur og -ár ikki uppgivið, hevur leikari ikki loyvi at luttaka.

d) Sama er galdandi fyri allar kappingar í yngru deildunum.

grein 13
a) Heimafelagið skal seta seg í samband við dómaran í seinasta lagi ein dag áðrenn dystin.

grein 14
a) Sigur lið seg skrivliga til FBF úr kappingini, og FBF góðtekur hetta, verða teir dystir, ið hetta lið hevur leikt, ikki roknaðir við í kappingini.

b) Sekt við ikki leiktum dystum!

d) Noktar lið uttan gilduga orsøk at luttaka, verður tað koyrt úr kappingini. Sama hendir um lið rýmir av vølli.

e) Lið sum verða koyrd úr kappingini, verða sektað við bót, ið svarar til 2 ferðir luttøkugjaldið fyri liðið. Er sekt ikki goldin innan næsta kappingarár, sleppur felag ikki at luttaka í kapping innan FBF, fyrr enn hon er goldin.

Um lið ikki møtir til dyst til ásettu tíð, verður felagið sektað við bót, svarandi til luttøkugjaldið og tapir dystin 3-0.

grein 15
a) Tað liðið, sum leikar á heimavølli, skal leggja bólt, sum er góðkendur av FBF, og minst 10 tiltaksbóltar til.

b) Heimaliðið hevur ábyrgdina av, at vøllurin er lógliga merktur, at netið er í lagi og kann setast í røttu hædd.

d) Dómarin skal vissa sær, at vallarviðurskiftini eru í lagi, áðrenn leikur byrjar.

e) Leikvøllurin skal vera góðkendur av FBF.

grein 16
a) Leikarar á einum liði skulu vera í eins leikbúna.

b) Hvør leikbúni skal hava nummar á rygginum, minst 15 cm til hæddar. Hvør leikbúni skal hava nummar á bringuni, minst 10 cm til hæddar.

d) Um búnin hevur lýsing, skal hon lúka tær treytir, FBF hevur ásett.

grein 17
a) Ger felag brot á grein 4, 5, 6, 7, 8, 9, 10, 13, 15 ella 17, kann tað fáa bót og/ella tapa dystin soleiðis, at hitt liðið fær tvey stig fyri dystin, og vinnur hann 3-0 í settmuni og 45-0 í bóltmuni, tó í teimum førum har spælt verður best av 3 settum, verður tað 2-0 í settmuni og 30-0 í bóltmuni.

grein 18
a) Ber leikari seg so ósømiliga at á vølli, at dómarin má reka hann úr leiki, skal dómarin skrivliga siga kappingarstjóra FBFs frá og somuleiðis viðmerkja hetta á dómaraseðlinum.

b) Kappingarstjórinin kann nokta slíkum leikara at luttaka í kapping ásetta tíð.

d) Nýtir dómari rætt sín at slíta dystin, skal hann beint aftaná dystin skrivliga greiða kappingarstjóra FBFs frá, hví hann so gjørdi.

grein 19
a) Heldur liðformaður, at dómari misnýtir vald sítt, skal hann sámuliga mótmæla tí á leikvøllinum. Góðtekur dómarin ikki mótmæli hansara, kann liðformaðurin ella felag hansara senda skrivliga kæru til kappingarstjóra FBFs í seinasta lagi 2 dagar aftan á dystin. Somuleiðis skal hetta viðmerkjast á dómaraseðlinum. Fylgja skulu kr. 500,- við slíkari kæru, sum verða afturgoldnar, um kæran vinnur sømdir, hetta er eisini galdandi fyri allar aðrar klagur.

grein 20
a) Kærur um avgerðir kappingarstjórans verða at leggja fyri dómsnevndina. Við kæruni skulu fylgja 1.000,- kr., sum verða afturgoldnar, um kæran vinnur sømdir.

b) Allar avgerðir dómsnevndarinnar eru endaligar.

d) Dómsnevndin kann ikki reka felag ella einstakling úr FBF, slík mál kunnu bert verða løgd fyri aðalfundin ella eykaaðalfundin hjá FBF.

grein 21
a) Frá tí degi, ið felag hevur sagt frá, at tað luttekur í landskappingini, er tað bundið til at luttaka eftir lógum og reglugerðum FBFs.

b) Tó kann kappingarstjóri FBFs eftir áheitan felagsins góðtaka tær orsøkir, ið felagið førir fram, at tað ikki heldur fram við kappingini. Ein slík áheitan má vera nevndini í hendi í minsta lagi 5 dagar, áðrenn dystur felagsins skal fremjast.

grein 22
a) Reglur fyri steyp, ið givin eru til kappingar millum feløg ella broytingar av slíkum reglum, skulu í seinasta lagi 10 dagar, áðrenn slíkar kappingar verða framdar, verða sendar FBF til góðkenningar.

b) FBF kann krevja slíkar reglur broyttar, um hildið verður neyðugt.

d) Brýtur felag hesa grein, sleppur tað ikki at luttaka í almennari kapping millum feløg innan FBF, fyrr enn tað lýkur ásettu treytir.

grein 23
a) Feløg innan FBF kunnu luttaka í almennum flogbóltskappingum ið eru góðkendar av FBF.

b) Umsóknir um at hava steypakappingar skal vera FBF í hendi seinast ein mánað áðrenn landskappingin byrjar.

Treytin fyri at fáa eina vaksnamannakapping er, at sama felag skipar fyri einari steypakapping fyri yngri deildir sama kappingarárið.

d) Brot á hesa grein verður sektað sum í grein 22.

Feløgini, ið skipa fyri ungdómskappingum, eiga at hava í huga, at tað fyrst og fremst snýr seg um spælararnar - at tað er stuttligt at spæla og kappast! Bólkarnir eiga at vera so stórir, at øll lið fáa minst tríggjar dystir - um hetta er gjørligt. Tó er tað ein treyt, at minst tvey lið í hvørjum bólki koma víðari. Feløgini, ið skipa fyri kappingunum, eiga at fáa tilmeldingar í so góðari tíð, at boð um tíðir o.a. kunnu sendast luttakandi feløgunum eina viku undan hvørjari kapping.

Føroyameistarakappingin fer fram soleiðis:
Øll lið kunnu luttaka í FM-kappingini uttan mum til úrslit frá øðrum kappingum. Tó skal lið hava luttikið í tveimum kappingum í kappingarárinum (Tað vil siga, at tey feløg, ið skipa fyri kappingum, mugu geva FBF yvirlit yvir luttakandi feløgini).

Vøllurin
Spælt verður á vanligum flogbóltsvølli, tó spæla gentur og dreingir 10 og 12 bólt sambært reglum um Miniflogbólt.

Bóltur
Vanligur bóltur, góðkendur av FBF, verður nýttur. Tó nýta gentur og dreingir 12 bólt sambært Miniflogbólt.

Serv
Gentur og dreingir 10 og 12: Víst verður til reglur um miniflogbólt.

Gentur og dreingir 14: Loyvt verður at serva yvirhondsserv frá baklinjuni og undirhondsserv 3 metur inni á vøllinum.

Gentur og dreingir 16 og unglingar serva sum í vanligum flogbólti.

Servmóttøka
Ikki er loyvt at taka ímóti við fingraslagi, tó er hetta loyvt í miniflogbólti (sí miniflogbólt).

Net
Gentur 10, sjá miniflogbólt

Dreingir 10, sjá miniflogbólt

Gentur 12, sjá miniflogbólt

Dreingir 12, sjá miniflogbólt

Gentur 14 2,14 m

Dreingir 14 2,24 m

Gentur 16 2,20 m

Dreingir 16 2,35 m

Kvinnuunglingar 2,24 m

Mansunglingar 2,43 m

Aldursbólkar - sí grein 4 b í kappingarreglunum.

Miniflogbóltur - barnabólkurin

1. Endamálsgrein fyri barnaflogbólt
Børn 12 ár og yngri, skulu læra flogbólt á ein stuttligan og mennandi hátt. Kappingar skulu vera ein góð uppliving, og øll skulu fáa mest møguligt burturúr.

2. Aldursbólkar
Á aðalfundinum 21. apríl vórðu samtyktir 2 aldursbólkar, G/D10, fyri børn í 4. flokki og yngri. Og G/D12, fyri børn í 5. og 6. flokki.

Vit mæla til, at kappingarnar fyri G/D10 verða skipaðar fyri seg og ikki saman við kappingum fyri yngri deildir.

Hesar kappingar kunnu tískil eisini onnur feløg enn vanligt hevur verið, skipa fyri.

3. Vøllur og net
Badmintonvøllurin.

Nethædd: G/D12: 2,10m og G/D10: 1,95m.

Servuøki: Aftan fyri 3. m linjuna (badmintonvøllurin)

4. Bóltar
Teir best egnaðu barnaflogbóltarnir skulu nýtast - tildømis teir nýggju Mikasa Mini.

Vaksnamannabóltur skal ikki nýtast.

5. Leikarar
D/G12: Í gentur/dreingir 12 eru í minsta lagi 4 leikarar. Gentur kunnu spæla á dreingjaliði. 4 leikarar eru inni á vøllinum í senn, flótandi útskifting eftir hvørja rotatión.

D/G10: 3 ella 4 leikarar á vøllinum, einki krav um eina ella fleiri útskiftarar.

6. Blandað lið
G/D12: Gentur og dreingir hvør sær. Tó kunnu gentur spæla á dreingjaliði.

G/D10: Kunnu vera blandað lið.

7. Spælireglur
Serv: Skal verða undirhondserv bæði í G/D12 og G/D10. Endamálið er at seta spælið í gongd.

Servmóttøka: Frítt.

Rotatión eftir 3. serv og flótandi útskifting. Tó skiftir servurætturin til hitt í G/D10 eftir at sami spælari hevur servað 3 bóltar, tó einki stig.

Føring og dubultslag: Dupultslag skal ikki dømast. Grovar føringar dømast.

Yvirtraðk og "net": Yvirtraðk á miðlinju og "net" skal dømast.

"Sparka flogbólt": Bólturin skal ikki sparkast.

Stig: Best av tveimum settum upp í 25, tó 2 bóltar á muni. 3. sett upp í 15, tó 2 bóltar á muni.

8. Ítróttaandin
Góður ítróttaandi skal fremjast, leiðararnir skulu ganga undan.

9. Dómarar
Dómararnir skulu duga reglurnar væl. Skipandi felag skal seta fastar dómarar.

Reglurnar skulu heingjast upp við allar vøllir.

10. Barnaleiðarabólkurin
Beint áðrenn barnakappingin byrjar, traðka leiðararnir fyri liðini saman.

Tryggja at øll duga reglurnar og annars semjast um, hvussu farast skal fram (neyðugar broytingar? Og annað)

Vit mæla til, at G/D10 spæla eitt annað vikuskifti enn hini liðini.

Leikreglur o.a.

§1. Nr. 1 eftir fyrsta umfar í landskappingini hjá kvinnum vinnur sær sæti í steypafinaluni. Nr. 1 eftir annað umfar í landskappingini hjá monnum vinnur sær sæti í steypafinaluni. Hesi lið spæla ikki við í seinnu steypakappingini, sum feløgini skipa fyri.

§2. Skipað verður fyri tveimum steypakappingum í samstarvi við FBF. Hvørt felag kann hava 1 lið við í steypakappingini. Fyri at spæla við í seinnu steypakappingini, skal liðið eisini hava spælt fyrru steypakappingina.

§3. Liðini í fyrru steypakappingini verða skipað eftir leisti, sum FBF ásetir eftir endaligu støðuni í landskappingini árið fyri. Liðini í seinnu steypakappingini verða skipað eftir støðuni eftir 1. umfar í landskappingini hjá kvinnum og eftir 2. umfar hjá monnum.

§4. Í steypakapping verður innleiðandi spælt best av 3 settum, er ikki annað tilskilað í samráð millum fyriskipararnar og FBF. FBF tekur endaliga avgerð. Hvørt felag skal hava dómarar við til hvørt tilmeldað lið.

§5. Er neyðugt við innleiðandi bólkum, koma tvey lið víðari úr hvørjum bólki, og spældar verða hálvfinalur og aðrir dystir um neyðugt. Er bert 1 innleiðandi bólkur, spæla nr.1 og nr.2 finalu.

§6. Finala er seinna leikdagin. Spælt verður best av 5 settum. Fyrireikandi felagið ásetir dómarar í samráð við FBF.

§7. Nr. 1. í fyrru steypkappingini og nr. 1 í seinnu steypakappingini vinna sær rætt til pláss í hálvfinaluni til endaligu finaluna. Hálvfinalan skal spælast sum skjótast eftir at seinnu steypakappingina. FBF ásetir leikdagin og staðið.

§8. Vinnur sama liðið báðar steypakappingarnar, verður eingin hálvfinala spæld.

§9. Er vinnandi liðið í fyrru steypakappingini sama lið, sum tryggjar sær pláss í steypafinaluni umvegis landskappingina, so er tað vinnarin í seinnu steypakappingini, sum vinnur hitt finaluplássið.

§10. Starvsnevndin ásetir nær steypafinalurnar verða leiktar.

§11. Spæla í steypakappingunum kunnu bert leikarar, sum hava loyvi at spæla við í landskappingini.

§12. Leikarar í steypafinaluni missa ikki rættin til at spæla við lægri liði, sjálvt um 2/3 eru farnir av landskappingini.