Føroyska manslandsliðið fór sunnumorgunin til Keypmannahavnar við Atlantic Airways, har liðið verður á eini venjingarlegu, har seinastu fyrireikingarnar verða fingnar upp á pláss áðrenn EM-kappingina á Kypros 3. - 7. mai 2007.

Liðið skuldi hava eina eina venjing í sunnudahin, tvær venjingar mánadagin og ein venjingardyst týsdagin, áðrenn farið verður til Kypros mikudagin 2. mai.

Eisini verður møguleiki fyri venjing á Kypros 3. mai, áðrenn fyrsti dysturin verður hin 4. mai ímóti Kypros. Fríggjadagin 5. mai verður leikt ímóti Luxembourg, og seinsasti dysturin verður ímóti Andorra sunudagin hin 6. mai.

Á føroyska liðnum eru:
Bárður Bendix Mikkelsen, DHG Odense
Rúni Weihe, BK Tromsø
Steinar Eirikstoft, Frederiksberg Volley
Johan Nielsen, VK Amager
Johan Petur á Stongum, SÍ
Jón Nielsen, Fleyr
Hjalti Josephsen, Mjølnir
Suni Juul Pedersen, DHG Odense
Bartal Eliasen, ÍF
Árni Petersen, ÍF
Ragnar í Haraldsstovu, Fram
Bogi Isaksen, Mjølnir

Venjarar eru Magnus Aðalsteinsson og Suni Hansen.

Jan Hentze verður eisini við á ferðini sum altjóða dómari.

Liðið verður aftur í Føroyum 7. mai.

Eisini føroyska kvinnulandsliðið hevur verðí á venjingarlegu hetta vikuskiftið í Føroyum, har liðið arbeiðir fram ímóti oyggjaleikunum á Rhodos.

[ tíðindasavnið ] [ til forsíðuna ]