Til umboðsfólkini

Tórshavn 21. september í 2004

Fyri skjótt langari tíð síðan, varð aðalfundurin slitin.

Leygardagin 25. september kl. 10.00 verður aðalfundurin settur aftur í ÍSF-húsinum.

Á skránni er formansval fyri eitt 2 ára skeið (fram til apríl 2006). Magnus Tausen hevur gjørt av at stilla upp til formansvalið.

Av tí at Magnus er nevndarlimur, er neyðugt, at nýggjur nevndarlimur verður valdur. Hetta skeiðið er galdandi fram til apríl 2005, tá ið báðir nevndarlimirnir standa fyri vali.

Kristianna Dam úr KÍF hevur játtað at stilla upp til nevndina.

Sum eykalimir eru í uppskoti Niclas Joensen og Kristian Mikkelsen.

Feløgini kunnu koma við øðrum uppskotum til formansvalið og nevndarvalið á fundinum leygardagin. Hetta krevur, at tey, ið skotin verða upp, skrivliga játta, at tey eru sinnað at stilla upp.

Mint verður á, at øll feløgini hava skyldu at møta á fundinum!

Vinaliga

Flogbóltssamband Føroya

Niclas Joensen