Kvinnur:
Eftir finalurnar í dag í flogbóltskappingini í Klaksvík, hevur Klaksvíkin aftur funnið vegin upp á tindarnar í flogbólti.

Bæði kvinnurnar og menninir hjá Mjølni tryggjaðu sær plássið í steypafinaluni.

Fyrra finalan í dag var ímillum kvinnurnar hjá Mjølni og Fleyr, og her vann Mjølnir dystin 3-1. Settúrslitni vóru 25-17, 23-27, 25-14 og 25-15.

Mótstøðuliðið í finaluni verður SÍ.


Menn:
Eisini mansfinalan var millum somu feløg, og aftur var tað Mjølnir, sum var omaná við dystarenda við einum greiðum 3-0 sigri. Settini endaðu 25-21, 25-22 og 25-18.

Mótstøðuliðið í finaluni verður ÍF.