Føroyar - Andorra 0-3 (21-25, 13-25, 17-25) (sí hagtøl)

Føroyar taptu eisini dystin í kvøld við trimum settum móti ongum fyri vertunum úr Andorra.

Fyrsta settið vann Andorra 25-21. Eftir at Føroyar høvdu bart seg upp á 15-16, eftir at hava verið aftanfyri 3-8, dróg Andorra frá aftur og vann 25-21.

Í ørðum setti førdu Føroyar 8-7 áðrenn kinkur kom í spælið, og Andorra legði seg framum 16-10 og vann settið 25-13.

Triðja sett var meinlíkt tí undanfarna, tó at føroyingar hildu á heldur longri hesaferð. Føroyar førdu bæði 8-7 og 16-14, men síðani vunnu Føroyar bert ein bólt aftrat og taptu sostatt settið 17-25.

Hesi brádligu motorstopp kundu kanska bent á møði, eftirsum hetta var annar dysturin hjá Føroyum í dag. Andorra hevði ikki leikt nakran annan dyst.

Í morgin, fríggjadagin kl. 16:30, spæla Føroyar móti Skotlandi, sum í dag vann 3-0 á Írlandi. Í morgin eru skotar í somu støðu sum Føroyar vóru í í dag, tí Skotland skal eisini spæla móti Kypros kl. 10 í morgin árini. Fylgjast kann við dystinum via livescore gjøgnum leinkið á forsíðuni.

Eik Banki er høvuðsstuðul og Atlantic Airways er hjástuðul hjá liðnum.

Aftast frá vinstru: Jón Joensen, SÍ - Arthur Djurhuus
Poulsen, TB - Suni Juul Petersen, Fleyr - Thorvald Danilesen,
Mjølnir - Filip Gram, SÍ.

Fremst frá vinstru: Bjarni Larsen, ÍF - Jóhan Petur á
Stongum, SÍ - Ólavur Jensen, SÍ - Rói Hentze, Fleyr -
Bjarki Enni, Fleyr.

Á myndini vanta Bartal Eliasen, Randers, og Ingi Jørleif
Ole-Jacobsen, SÍ.