|
Kvinnulandsliðið til EM-undankapping í Íslandi |
|
Kvinnulandsliðið í flogbólti fer til Íslands mikumorgunin 17. mai at luttaka í EM undankappingini. Kappingin byrjar fríggjadagin 19. mai, har Føroyar skulu spæla fyrsta dystin í kappingini ímóti Kýpern. Fýra lið eru við í kappingini. Tey eru Ísland, Skotland, Kýpern og Føroyar. Kappingin endar sunnudagin 21. mai Tvey tey bestu liðini vinna sær rættin til at luttaka í EM í C-bólkinum. Ísland og Skotland eru ájavnt við Føroyar í styrki, ímeðan Kýpern vanliga er væl sterkari. Spennandi verður um kvinnurnar megna at vinna nakran dyst. Kvinnulandsliðið er nú endaliga úttikið. Teir 12 leikarnir eru: Helen á Lakjuni, Brøndby (Liðskipari) Annika á Stongum, SÍ Lena í Buð, Mjølnir Margit G. Joensen, Mjølnir Hjørdis Johannesen, KÍF Angilie Johannesen, KÍF Sólvá Heidi Dimon, TB Sólgerð Henriksen, Dráttur Birita Joensen, KÍF Heidi Dam, ÍF Rannvá Dam, KÍF Karin Mikkelsen, SÍ
Høvuðsvenjari er Magnus Aðalsteinsson (Sami sum var venjari í Oyggjaleikunum í fjør) Hjálparvenjari er Kristian Mikkelsen Høvuðstuðul hjá Kvinnulandsliðnum er Føroya Sparikassi.
|
|
[ onnur tíðindi ] [ til forsíðuna ] |