Grein 11
a) Vunnin dystur gevur 2 stig. Tapandi liðið fær 0 stig.
b) Møtir lið ikki til dyst, fær tað null stig.
d) Somuleiðis verður givið null stig til tey lið, sum sínamillum avtala at útseta dyst, uttan at hava fingið loyvi til tess frá kappingarstjóranum. Fyri meistaradeildirnar er galdandi: Fyrstu ferð hetta kemur fyri, fær liðið bót og 0 stig, aðru ferð fer liðið úr kapping. Bótin er 2 ferðir luttøkugjaldið.
e) Tá ið dystur verður fluttur í samráð við kappingarstjóran, skal nýggjur dystur verða ásettur í mesta lagi eina viku frá ásetta leikdegnum. Starvsnevndin í FBF kann gera undantøk frá hesi reglu.

Niðurstøða:
Dystur nr. 18 í EIK-liguni hjá monnum millum ÍF og Mjølnir skuldi verða leiktur sunnudagin 6. desember kl. 14.00 á Kambsdali. Dysturin varð leiktur fríggjakvøld 4. desember, men til Flogbóltssambandið kom eingin fráboðan, og tí hevur Flogbóltssambandið heldur ikki givið loyvi til hesa flyting. Hetta er greitt brot á grein 11 e. Grein 11 d ásetir, hvussu slík brot verða dømd. Sí omanfyri.

Nevndin í Flogbóltssambandinum hevur tikið avgerð í málinum.

Mjølnir og ÍF fáa 0 stig fyri dystin og samlaða settmunin 0-0.

Henda avgerð kann verða kærd til dómsnevndina sambært grein 20.

Vinaliga

Flogbóltssamband Føroya