Føroysku U-19 genturnar gjørdu aftur um seg í dag í NM-kappingini í Ikast. Í dag gekk tað út yvir Ongland, sum mátti lúta 3-2.

Ongland koma annars best frá byrjan og vann tvey tey fyrstu settini ávikavist 27-25 og 25-23, men so kom føroyska liðið aftur.

Triðja settið vann føroyska liðið 25-21 eins og tær vunnu tad fjórða 25-19.

Spenningur var nú fram ímóti seinasta settinum, men flogbólsgenturnar komu væl frá byrjan og løgdu seg á odda 8-3, og so var settið at kalla heima.

Seinasta settið endaði 15-8 til Føroyar.

Harvið hava U-19 kvinnurnar leikt seg í semifinaluna, har tær skulu møta Norra kl. 19,00 danska tíð leygarkvøld.

Í hinari semifinaluni eru Svøríki og Danmark.

Finalurnar verda leiktar sunnudagin.

Kvinnunar vera aftur í Føroyum mánamorgunin.


Heilsan úr Ikast

Flogbóltssamband Føroya

tlf. á ferdini 210 863 (Magnus) 21 87 66 (Niclas)